image

رَسَمتَك بألوان بتِشبَهني 
رَسَمتَك و ما اشتَرَطت تكون رَهني 
و صَرخِتلي الألوان بالألحان 
” بترجّاك عَمَسرح القماش تشلَحني”

و سمِعت القماش بِقِلِّي 
أَلوانَك كِلمات بِتصلّي 
عِملِت مِنّي جَبَل مِن جِبال الإيمان 
و عِملِت منك حبيس مُعتُصِم عهالتلة.

و التلة حالة
و الحالة هالة
و الهالة كون 
جبلة خيالي.

و بقلب الخيال صوت الواقع تجلّى 
يعلن أسرار الحب و الدني كلّا 
و أنا عم بجرّب ألقط الأسرار 
دق صوت الناقوس يدعيني لأتخلّى.

ادي ابي يونس
26.1.2016

Advertisements