في ناس رِكبِت أموالها
و بِنيِت عليها قصور
و في ناس راهنة حالها
و حول حالها بتدور

في ناس مكَبَّلة  بفكرها
و غيرها فكرو مَحبوس
و ناس مُجرَّد ذكرها
إلهام للنفوس

في ناس عَم تَعمِل ثَورة
و ما بتعرف كيف تثور
في ناس متجاهلي دورها
و ناس دورها مهجور

في ناس حِملِت قضية
و دَفعِت كرمالها دم
و في ناس بِقيِت وفيّة
و غيرها ما عاد اهتم

في ناس بتُطلُب حرية
و في ناس وطنها حُر
و ناس هي الحرية
بقلب الحلو و المرّ.

إدي أبي يونس
4.2.2016

Advertisements