العمق هو بالاصل
و الاصل هو بالعمق
العمق اللي بكلمة “بَعْد”
طبع تراب بالجوع
و ترابو زهّر قلق.
الطمع رفض الجوع لذاتو
بالظاهر ما بيعرف شبع
بالباطن ما بيعرف جوع
و بالحقيقة مطارد بجوع لانو يجوع.
هو بيجهل الشبع و بيركض صوبو بلا ما يتلاقى في
الجوع سبق و التقى في و بيهرب منو للعمق
العمق اللي بقلك بعد
و اللي بيحط فاصلة مطرح ما الشبع بيحط نقطة
و الفاصلة بتخلقك من جديد
و هيك جوع بيخلق جوع
و بيبقى يزهّر قلق.

إدي أبي يونس
19.3.2016

Advertisements